Mumbai : यशवंतराव चव्हाण द्रुतगती मार्गावरील कि.मी. क्र.58/500 (डोंगरगाव / कुसगांव) मुंबई वाहिनी येथे महाराष्ट्र राज्य रस्ते विकास महामंडळामार्फत बांधण्यात येणाऱ्या पुलाचे गडर्स बसविण्याचे काम दि.22.01.2025, दि.23.01.2025 व दि.24.01.2025 रोजी दुपारी 12.00 ते 15.00 या कालावधीमध्ये नियोजित आहे. सदर काम करताना मुंबईकडून पुण्याकडे जाणारी पुणे वाहिनीवरील वाहतूक द्रुतगती मार्गाच्या कि.मी.क्र.54/700 वळवण ते वरसोली टोल नाका (राष्ट्रीय महामार्ग क्र.48) येथून देहूरोड मार्गे पुण्याकडे वळविण्यात येणार आहे. तसेच वरील कालावधीत पुण्याहून मुंबईकडे जाणारी वाहतूक यशवंतराव चव्हाण द्रुतगती मार्गावरुन सुरु राहणार आहे. वरील तिन्ही दिवस दुपारी 15.00 वाजेनंतर मुंबईकडून पुण्याकडे जाणारी वाहतूक पुन्हा द्रुतगती मार्गाच्या पुणे वाहिनीवरुन सोडण्यात येईल.
तरी, कृपया या अनुषंगाने द्रुतगती मार्गावरील प्रवाशांनी नियोजन करावे व वरील तीन दिवस सदर कालावधीत द्रुतगती मार्गावरील पुण्याकडे जाणा-या वाहनांनी वरील प्रमाणे मार्गाचा उपयोग करावा. तसेच वरील कालावधी दरम्यान द्रुतगती मार्गावरील वाहनचालकांना काही अडचण असल्यास त्यांनी मदतीसाठी मुंबई-पुणे द्रुतगती मार्गाच्या नियंत्रण कक्षाचा दूरध्वनी क्रमांक- 9822498224 या किंवा महामार्ग पोलीस विभागाच्या 9833498334 या क्रमांकावर सपंर्क साधावा.