मुंबई : पी.डी. हिंदुजा रुग्णालयने जागतिक तंबाखू विरोधी दिन २०२४ च्या निमित्त जनजागृती करण्यात आली. यावेळी विविध कार्यक्रमाचे आयोजन करण्यात आले. झाडांवर टांगलेल्या चार फूट उंच सिगारेटची प्रतिकृती तयार करून तंबाखूचे आरोग्य आणि पर्यावरणावर होणारे दुष्परिणामा बद्दल जागरूकता मोहीम राबवली.
वर्ल्ड नो टोबॅको डे २०२४ अशी थीम राबवत पी. डी. हिंदुजा हॉस्पिटल अँड मेडिकल रिसर्च सेंटरने तंबाखूच्या वापराचा लोक आणि पर्यावरणावर होणाऱ्या दुष्परिणामांचा प्रकाश टाकला. तंबाखूच्या वापराचे हानिकारक परिणाम वैयक्तिक आरोग्यापलीकडे जातात, पर्यावरण आणि समाजावर देखील परिणाम करतात. वर्ल्ड नो टोबॅको डे २०२४ साजरा करण्याच्या एका भावनिक उपक्रमात, पी. डी. हिंदुजा हॉस्पिटल अँड मेडिकल रिसर्च सेंटरने झाडांवरून फासांनी अडकवलेले चार फूट उंच सिगारेट्सच्या प्रतिकृती तयार केल्या. निरोगी जीवन आणि सुरक्षित पर्यावरण हा उद्देश यामागे आहे.
डब्ल्यूएचओनुसार, भारत हा तंबाखूचा दुसरा सर्वात मोठा ग्राहक आणि उत्पादक आहे, ज्यामध्ये २७० दशलक्षहून अधिक वापरकर्ते आहेत. तंबाखूच्या वापरामुळे दरवर्षी, १.३५ दशलक्ष भारतीयांचे जीव या जातात. याशिवाय, तंबाखू उद्योगामुळे १,७०,००० टनांहून अधिक कचरा निर्माण करतो आणि ६०० दशलक्ष झाडांची तोड होते. प्रत्येक तोडलेल्या झाडामुळे फक्त १५ पाकिटे सिगारेटसाठी पुरेसा कागद मिळतो. ही कठोर वास्तविकता अधोरेखित करते की तंबाखूचा वापर केवळ मानवी जीवनावरच परिणाम करत नाही तर जंगलतोड, मातीची नासाडी आणि पर्यावरण प्रदूषणास देखील हातभार लावतो.
पी. डी. हिंदुजा हॉस्पिटल आणि मेडिकल रिसर्च सेंटरचे सीईओ श्री. गौतम खन्ना यांनी या उपक्रमाला पाठिंबा दर्शवताना म्हाणेल कि, आम्ही निरोगी समाज आणि स्वच्छ पर्यावरण घडवण्यास वचनबद्ध आहोत.”
ग्लोबल अडल्ट टोबॅको सर्व्हे (GATS) सूचित करतो की भारतात सर्व प्रौढांपैकी २८.६% सध्या धूम्रपान किंवा तंबाखू वापरतात, ज्यात ४२.४% पुरुष आणि १४.२% महिला समाविष्ट आहेत. धूम्रपान हा भारतात श्वसन रोग, हृदयविकार आणि कर्करोगाचा एक मुख्य घटक आहे.
पी. डी. हिंदुजा हॉस्पिटल आणि मेडिकल रिसर्च सेंटरचे कन्सल्टंट डॉ. लॅन्सलॉट मार्क पिंटो यांनी सांगितले, “ तंबाखूच्या वापरामुळे आरोग्यावर होणारे विनाशकारी परिणाम दिसून येतात, ज्यामुळे श्वसन रोग, हृदयविकार आणि कर्करोग होतो. तंबाखूच्या वापरात घट करण्यासाठी आणि शाश्वततेला प्रोत्साहन देण्यासाठी सामूहिक प्रयत्नांची गरज आहे.
