मुंबई : केंद्र पुरस्कृत अपंग समावेशित शिक्षण (माध्यमिक स्तर) योजनेअंतर्गत नियुक्त केलेल्या विशेष शिक्षक व परिचर यांना समायोजित करण्याचा निर्णय उच्च न्यायालयाने दिला आहे. या निर्णयानुसार संबंधित १ हजार १८५ विशेष शिक्षक आणि ७२ परिचर यांना सेवेत समायोजित करण्यात यावेत, असे निर्देश उच्च व तंत्र शिक्षण मंत्री विनोद तावडे यांनी दिले.मंत्रालयात केंद्र पुरस्कृत अपंग समावेशित शिक्षण योजनेअंतर्गत कार्यरत शिक्षकांच्या समायोजनेसंदर्भात बैठकीचे आयोजन करण्यात आले होते. यावेळी श्री. तावडे बोलत होते. या बैठकीस विधान परिषद सदस्य नागो नाणार, श्रीकांत देशपांडे, दत्तात्रय सावंत, विभागाच्या उपसचिव चारूशिला चौधरी आदीसह संबंधित शिक्षक आणि अधिकारी उपस्थित होते.