कोल्हापूर : स्टुडंटस् फेडरेशन ऑफ इंडियाच्या वतीने कै.श्रीमती बी.के.पाटील हायस्कूल, गिरगाव येथे आज ग्लोबल क्लायमेट स्ट्राईक बाबत माहिती देऊन वृक्षारोपण करण्यात आले.
स्वीडनची १६ वर्षे वयाची विद्यार्थीनी ग्रेटा थनबर्ग हिने जागतिक तापमान वाढीकडे लक्ष वेधण्यासाठी धरणे आंदोलन केले. त्यानंतर जागतिक पातळीवर तापमानवाढीचा मुद्दा चर्चेला आला आहे. ग्रेटा थनबर्ग हिने सुरू केलेले आंदोलन जगभर पसरले असून जगातील असंख्य विद्यार्थी पर्यावरण प्रश्नाकडे नागरिकांचे लक्ष वेधण्यासाठी रस्त्यावर येत आहेत. २० ते २७ सप्टेंबर २०१९ दरम्यान जगभरातील लाखो तरूण पर्यावरणाचा ऱ्हास आणि बदलांचा विरोध करण्यासाठी संप आणि निदर्शने करणार आहेत. त्यासाठी ग्लोबल क्लायमेट स्ट्राईक संदेश पोहोचविण्यासाठी जनजागृती करण्यात
आहे, असे एसएफआय राज्य सचिवमंडळ सदस्य नवनाथ मोरे म्हणाले.
पुरामुळे सांगली–कोल्हापूरमध्ये लोकांचं जनजीवन विस्कळीत झाले. यावरून संपूर्ण मानवजात इतक्या अभूतपूर्व संकटाच्या उंबरठ्यावर येऊन ठेपली आहे की त्यापासून पृथ्वीला वाचवण्यासाठी आपल्याजवळ फक्त १० ते १५ वर्षंच उरली आहेत.तापमानवाढ थांबविण्यासाठी सर्वांनी पुढे येण्याची गरज आहे. एवढं नक्की फक्त वृक्ष लावून चालणार नाही, तर ती जगविणे गरजेचे आहेत, असे एसएफआय चे रत्नदिप सरोदे म्हणाले.
मुख्याध्यापक के.बी.चव्हाण सर यांनी उपस्थितांचा सत्कार केला. जनवादी चळवळीचे कॉ.चंदु कुरणे, एसएफआय चे प्रमोद मोहिते तसेच शिक्षकवृंद आणि विद्यार्थी उपस्थित होते. गायकवाड सरांनी स्वागत केले, तर नाळे सर प्रास्ताविक केले.