पंडित दिनदयाल उपाध्याय ऑनलाईन रोजगार मेळावा 26 मे रोजी
रत्नागिरी : रत्नागिरी जिल्हयातील बेरोजगार उमेदवारांकरिता पंडित दिनदयाल उपाध्याय ऑनलाईन रोजगार मेळाव्याचे आयोजन 26 मे 2023 रोजी करण्यात आले आहे. जिल्हयातील सर्व खाजगी आस्थापनांनी, त्यांचेकडील रिक्त पदे भरणेबाबत कौशल्य विकास, रोजगार व उद्योजकता मार्गदर्शन केंद्र या विभागाचे www.mahaswayam.gov.in या पोर्टलवर रिक्ते पदे नोंदवावी. जिल्हयातील सर्व खाजगी आस्थापनांनी त्यांचेकडील यूजर आयडी व पासवर्डचा वापर करुन लॉग इन करुन त्यांचेकडील रिक्त पदे नोंदवावी तसेच नोंदणी नसल्यास नवीन नोंदणी करीता व अधिक माहितीसाठी कार्यालयाचे दूरध्वनी क्रमांक ०२३५२ – २९९३८५ / ९४२०३७७७५४ या क्रमांकावर संपर्क साधावा असे आवाहन सहायक आयुक्त, कौशल्य विकास, रोजगार व उद्योजकता मार्गदर्शन केंद्र, रत्नागिरी यांनी केले आहे.
