रत्नागिरी जिल्ह्यात डेल्टा प्लस-मायनस व्हेरिएंटच्या विषाणूचे रुग्ण सापडलेले नाहीत – जिल्हाधिकारी लक्ष्मीनारायण मिश्रा यांची माहिती

रत्नागिरी, प्रतिनिधी रत्नागिरी जिल्ह्यात डेल्टा प्लस-मायनस व्हेरिएंटच्या विषाणूचे रुग्ण सापडलेले नाहीत अशी माहिती रत्नागिरीचे जिल्हाधिकारी लक्ष्मी नारायण मिश्रा यांनी दिली आहे. आज झालेल्या ऑनलाइन पत्रकार परिषदेत त्यांनी ही माहिती दिली.. रत्नागिरी, नवी मुंबई आणि पालघर या तीन जिल्ह्यांमधून गोळा केलेल्या नमुन्यांमध्ये SARS-CoV-२ डेल्टा-प्लस व्हेरिएंटचे सात रुग्ण आढळून आल्याची बातमी काही वृत्तपत्रांमध्ये आली होती. तसेच डेल्टा प्लसचे सात पैकी पाच रुग्ण हे रत्नागिरी जिल्ह्यात आढळून आले आहेत, असंही बातमीत म्हणण्यात आलं होतं. त्यामुळे एकच खळबळ उडाली होती. मात्र डेल्टा-प्लस किंवा मायनस व्हेरिएंटचे एकही रुग्ण जिल्ह्यात आढळून आलेला नाही, अशी माहिती जिल्हाधिकारी लक्ष्मीनारायण मिश्रा यांनी दिली आहे. जिल्ह्यात डेल्टा प्लस या नवीन कोरोना विषाणूचे रुग्ण सापडल्याच्या बातमीचं जिल्हाधिकाऱ्यांकडून करण्यात आलं आहे. संगमेश्वरमध्ये वेगळा विषाणू आहे का याची तपासणी सुरु असल्याची माहिती जिल्हाधिकाऱ्यांनी दिली. खबरदारी उपाय म्हणुन संगमेश्वर बाजारपेठ आणि आजाबाजूची गावं कंन्टेटमेंट झोन करण्यात आली आहेत. जर नवीन विषाणूचा व्हेरिएंट सापडला असेल तर राज्याची आरोग्य यंत्रणा माहिती देईल असं हि जिल्हाधिकाऱ्यांनी सष्ट केलं आहे. लोकांनी घाबरून न जाण्याचं आवाहन जिल्हाधिकारी लक्ष्मीनारायण मिश्रा यांनी केलं आहे..