रत्नागिरी : जिल्हा काँग्रेसच्या नवीन कार्यकारिणीची आज घोषणा करण्यात आली. जिल्हाध्यक्ष ऍड.विजय भोसले यांनी पत्रकार परिषदेत ही घोषणा केली. यावेळी जिल्हा प्रवक्ते अशोकराव जाधव, दीपक राऊत, बंडु सावंत, कपिल नागवेकर आदी उपस्थित होते.
या कार्यकारिणीमध्ये १६ उपाध्यक्ष, एक कोषाध्यक्ष, १७ सरचिटणीस, २० चिटणीस, १३ सल्लागार, ६ सदस्य त्याचबरोबर १२ कायम निमंत्रीत यांची यादी त्यांनी जाहीर केली. त्यामध्ये अशोक जाधव, यशवंत बाणे, सुधीर दाभोळकर, रमेश शहा, डॉ.विलास शेळके, बरकत काझी, रमाकांत बेलवलकर, रतन पवार, सुरेश राऊत, चंद्रकांत परवडी, मेहमूद पालेकर, अनंत जाधव, जयवंत दूधवडकर, इकबाल घारे, बिपीन गुप्ता, दिगंबर कीर आदींची उपाध्यक्ष म्हणून निवड केल्याचे त्यांनी जाहीर केले. तर चिटणीस म्हणून माजी शहर अध्यक्ष राकेश चव्हाण यांची निवड झाल्याची त्यांनी यावेळी जाहीर केले.
दरम्यान दोन दिवसांपूर्वी कॉंग्रेस भुवनला टाळे ठोकल्याच्या प्रकारावरुन प्रदेश सरचिटणीस रमेश कीर यांनी जिल्हाध्यक्षांना लक्ष केले होते. तसेच शहर अध्यक्ष राकेश चव्हाण यांना पदावरुन दूर केल्याच्या निर्णयाचा समाचार घेताना व्हॉटस्ऍपवर पक्ष चालत नाही असा सल्ला त्यांनी दिला होता.
याबाबत बोलताना ऍड भोसले म्हणाले की, व्हॉटस्ऍप हे अधिकृत माध्यम असून कायद्यानेदेखील ते अधिकृत मानले आहे. एखाद्याला शिस्त लावायला गेलो तर त्यांना ती मनमानी वाटते. आमदार हुस्नबानू खलिफे यांनादेखील अशाचप्रकारे चावी अभावी परत जावे लागले होते, याची आठवणदेखील त्यांनी करुन दिली.
