नर्मदा : गुजरातमधल्या नर्मदा जिल्ह्यातल्या केवडिया येथे राष्ट्रीय एकता दिनानिमित्त “स्टॅच्यू ऑफ युनिटी” चे पंतप्रधान नरेंद्र मोदी यांच्या हस्ते राष्ट्रार्पण झाले.
सरदार वल्लभभाई पटेल यांच्या जयंतीचे औचित्य साधून 182 मीटर उंचीच्या या पुतळ्याचे लोकार्पण करण्यात आले.
येथील 153 मीटर उंचीच्या या गॅलरीत एका वेळेला 200 जण सामावू शकणार आहेत. सरदार सरोवर धरण, सातपुडा आणि विंध्य पर्वत रांगांचे विलोभनीय दर्शन इथून घेता येणार आहे.
