रायगड, 17 June : निसर्ग चक्रीवादळामुळे जिल्ह्यात गावोगावी मोठ्या प्रमाणावर नागरिकांच्या मालमत्तेचे, फळबागांचे नुकसान झाले आहे. या अनुषंगाने पनवेल तालुक्यातील नुकसानग्रस्तांना पालकमंत्री कु.आदिती तटकरे यांच्या हस्ते मदतीचे धनादेश वितरीत करण्यात आले.
या चक्रीवादळात नुकसान झालेल्या पनवेल तालुक्यातील खैरवाडी गारमाळ येथील महादीबाई गोमा थोराड, पूर्णतः नुकसान रक्कम १ लाख ५६ हजार १००, पिंट्या मारुती थोराड पूर्ण नुकसान रक्कम रुपये १ लाख १३ हजार ५००, पोशा आंबो थोराड मध्यम नुकसान रूपये ९५ हजार १००, अंबो नामा थोराड मध्यम नुकसान रक्कम रुपये ३९ हजार १०० असे एकूण ४ लाख ३ हजार ८०० रुपयांच्या मदतीचे धनादेश पालकमंत्री कु.आदिती तटकरे यांच्या हस्ते वितरित करण्यात आले.
यावेळी उपविभागीय अधिकारी, पनवेल दत्तात्रय नवले, तहसीलदार, अमित सानप, नायब तहसीलदार, राहुल सूर्यवंशी, विजय कुमार साळवे, प्र.गटविकास अधिकारी, श्री. भोळे आदी उपस्थित होते.
