मुंबई : टीम परिवर्तन ही सामाजिक संस्था कोरोनाच्या संकटकाळात सातत्याने गरजू आणि वंचित लोकांना वेळोवेळी अन्नधान्य त्याचबरोबर कपडे, मास्क, सॅनिटायझर यांचे वाटप करत आहे. नुकतेच संस्थेने संम्मान वेलफेअर संस्थेच्या मदतीने ताडदेव आणि मलबार हिल पोलिस ठाण्यात फ्रंट लाईनवर काम करणाऱ्या पोलिस बांधवांना स्टीमर, सॅनिटायझ आणि मास्कचे वाटप केले. यावेळी शोभा बोडके, संजय जंगली, संदेश जंगली, संदीप जंगली, पंकज वैद्य आणि प्रशांत बर्वे यांनी सहभाग घेतला. टीम परिवर्तन या संस्थेचे सदस्य मुंबईत विविध शहरांत वंचित घटकांसाठी काम करत आहेत. त्यांच्या या कामांत अनेक लोकांनी आपले योगदान दिले आहे. यापुढे आम्ही अत्यावश्यक सेवेत काम करणाऱ्या लोकांना मदत पुरवण्यासाठी प्रयत्न करणार आहोत असे संस्थेचे तुषार वारंग यांनी सांगितले. नागरिकांनी आपल्या परिसरात असलेल्या अत्यावश्यक सेवेतील कर्मचारी आणि वंचित लोकांना आपल्या पध्दतीने मदत करण्याचे त्याचबरोबर शासनाच्या नियम अटी पाळण्याचे आवाहनही त्यांनी केले. संम्मान वेलफेअर संस्थेचे संस्थापक संतोष शाह यांनी उपक्रमासाठी साहित्य उपलब्ध करून दिले.
