राष्ट्रीय क्रीडा पुरस्कार जाहीर – रोहित शर्मा, मरियप्पन टी., मनिका बत्रा, कु. विनेश आणि कु राणी यांना `खेल रत्न`

नवी दिल्ली, 21 ऑगस्ट : क्रीडा क्षेत्रातील उत्कृष्ठता वाखाणण्यासाठी आणि गौरव करण्यासाठी प्रतिवर्षी क्रीडा पुरस्कार दिले जातात. चार वर्षे क्रीडा क्षेत्रातील नेत्रदीपक आणि सर्वाधिक उत्कृष्ट कामगिरीबद्दल राजीव गांधी खेल रत्न पुरस्कार देण्यात येत असतो; चार वर्षे सातत्याने सर्वोत्कृष्ट कामगिरी करणाऱ्या खेळाडूला अर्जुन पुरस्कार दिला जातो; प्रतिष्ठित आंतरराष्ट्रीय क्रीडा स्पर्धांमध्ये पदक विजेते खेळाडू तयार करणाऱ्या प्रशिक्षकांना द्रोणाचार्य पुरस्कार दिला जातो; क्रीडा विकासासाठी आजीवन योगदानासाठी ध्यानचंद पुरस्कार आणि राष्ट्रीय खेल प्रोत्साहन पुरस्कार व्यावसायिक संस्थाना (खासगी आणि सार्वजनिक क्षेत्र अशा दोन्ही) आणि क्रीडा प्रोत्साहन आणि विकासाच्या क्षेत्रात ज्यांनी उल्लेखनीय भूमिका बजावली आहे अशांना दिला जातो. आंतर-विद्यापीठ स्पर्धेत एकूणच सर्वोत्तम कामगिरी करणाऱ्या विद्यापीठाला मौलाना अबुल कलाम आझाद (एमएकेए-MAKA) करंडक दिला जातो. क्रीडा पुरस्कारांखेरीज, मंत्रालय देशभरातील लोकांमधील साहसी क्रीडा प्रकारातील धैर्य वाखाणण्यासाठी टेनझिंग नॉरगे राष्ट्रीय साहसी पुरस्कार देत आहे.