रत्नागिरी : आंब्याच्या लागवडी पासून ते थेट बाजारपेठेपर्यंत विक्री व्यवस्था याबाबतची माहिती उपलब्ध असलेल्या अलफान्सो मॅन्गो ॲपचे अनावरण महाराष्ट्राचे राज्यपाल सी. विद्यासागर राव यांनी केले. डॉ.बाळासाहेब सावंत कोकण कृषी विद्यापीठाच्या आंबा महोत्सवासाठी ते रत्नागिरीत आले होते. या महोत्सवाचे उद्घाटनदेखील त्यांनी केले. कृषी विद्यापीठाच्या आवारात असलेले विविध जातीचे आंबे तसेच लागवडीसाठी लागणारे उपकरणे कोकण कृषी विद्यीपीठाने विकसित भाताच्या जाती, फळभाज्या आदींचे प्रदर्शन व माहिती आंबा महोत्सवात देण्यात आली आहे.
राज्यपाल सी विद्यासागर राव व कृषीमंत्री पांडूरंग फुंडकर व कुलगुरु डॉ. तपस भट्टाचार्य यांच्या उपस्थितीत मॅन्गो ॲपचे अनावरण झाले . या ॲपसाठी डॉ. एच.जी. भावे, डॉ. बी.आर. दळवी, अतुल पाटील यांनी परिश्रम घेतले.
आमदार संजयराव कदम, आमदार राजन साळवी, जिल्हाधिकारी प्रदीप पी., जिल्हा परिषदेचे मुख्य कार्यकरी अधिकारी लक्ष्मी नारायण मिश्रा, जिल्हा पोलीस अधिक्षक प्रणय अशोक तसेच विद्यापीठातील शास्त्रज्ञ, प्राध्यापक आदी उपस्थित होते.
