मुंबई उपनगर (शांताराम गुडेकर )
इनोव्हेटिव्ह मानबिंदू प्रकाशन आणि लयभारी साहित्य समुह आयोजित काव्यदर्पण ई -बुक काव्यसंग्रह प्रकाशन सोहळा व लय भारी समुहाचे संस्थापक कवी – प्रमोद सुर्यवंशी यांच्या जन्मदिनाच्या निमित्ताने राज्यस्तरीय तिसरे कवी संमेलन म.न.पा. शाळा आकृर्ली – कांदिवली मुंबई येथे मोठ्या उत्साहात संपन्न झाले. राज्यातील विविध भागातून नामवंत कवी /कवियत्री यांनी आपल्या बहारदार काव्याने रसिकांना मंत्रमुग्ध केले.
कार्यक्रमास प्रमुख पाहुणे संमेलन उदघाटक मदन गोवारी , रायगड भूषण महादेव रायबान, मा. स्नेहल देव लाभले होते. प्रसंगी विठ्ठल घाडी, आशाताई ब्राम्हणे, इनोव्हेटिव्ह मानबिंदू प्रकाशन संस्थेचे मा. एन डी. खान सर, मा.सलमा खान
काव्यदर्पणच्या संपादिका सौ.आशा ब्राह्मणे या उपस्थित होत्या.कांदिवली आर.पी.आय अध्यक्ष मा.सर्जेराव शिरसाठ यांनी कार्यक्रमास उपस्थित राहून कार्यक्रमाची शोभा वाढवली.सौ.छाया साखरे, दिनेश कवडे, संतोष रायबान (धुरळा फेम कविता सोलापूर), लयभारी साहित्य समूहाचे संस्थापक अनिल केंगार सर, सौ.रंजना मांगले आदी मान्यवरांचा प्रसंगी सत्कार करण्यात आला.
सौ.आशाताई ब्राम्हणे,अशोक ब्राम्हणे आणि सौ.विनिता कदम,ताराचंद कदम आणि प्रमोद सुर्यवंशी यांनी कवी संमेलनाचे नियोजनबद्ध आयोजन केल्यामुळे लयभारी कवितांचा रसिक प्रेक्षकांनी भरभरून आनंद घेतला.काव्यदर्पण या इ बुकचे प्रकाशन मदन गोवारी, विलास देवरूळकर, विठ्ठल घाडी यांच्या प्रमुख उपस्थितीत पार पडलेल्या या कार्यक्रमात कवियत्री / लेखिका मीनाताई शेळके यांनी काव्यदर्पण इ बुक साकार करण्यासाठी खूप मेहनत घेतली.कवयित्री भावना पाटील आणि वंदना पाटील यांनी उत्कृष्ट सूत्रसंचालन करून कार्यक्रम रंगदार बहारदार केला.कवी संमेलनात ६० कवी/कवयित्री यांनी सहभाग घेऊन कविता सादरीकरण करून कवी संमेलन यशस्वी केले.शाळेचे स्वयंसेवक लक्ष्मण देशमुख यांच खूप सहकार्य या कार्यक्रमास लाभले.
