मुंबई : लॉकडाऊनमुळे सर्व गरिबांचे तीन महिन्यांचे लाईटबील शासनाने माफ करावे; सर्व बिल माफ करता येत नसेल तर किमान 50 टक्के वीजबिलाची रक्कम माफ करावी अशी मागणी रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केली आहे. 50 टक्के वीजबिल माफ करण्यासाठी त्यातील अर्धी वीज बिलाची रक्कम म्हणजे 25 टक्के बिल वीज कंपनी ने माफ करावे तसेच पुढील 4 महिने थकबाकीमुळे कोणाचाही विजमिटर कापू नये अशी सूचना आठवले यांनी विजकंपन्यांना केली आहे. मुंबई उपनगर येथे अदानी इलेक्ट्रिसिटी कंपनी ने 18 टक्के वीजबिल माफ केले आहे मात्र आणखी वीजबिल माफ करण्याचे आपण त्यांना आवाहन केले असल्याची माहिती ना रामदास आठवले यांनी केली आहे. मुंबई शहरात वीज पुरवठा बेस्ट करीत असून मुंबई महापालिके ने स्थायी समिती मध्ये याबाबत ठराव करून 3 महिने वीजबिल किमान 50 टक्के माफ करण्यासाठी निर्णय घ्यावा असे आवाहन आठवले यांनी केले आहे.
वीजबिल माफ करण्यासोबत कोरोना ची चाचणी मोफत करावी किंवा अल्प दरात करण्यात यावी .सध्या कोरोना चाचणी साठी 5 हजारापर्यंत दर आकारले जात आहेत. त्या ऐवजी मोफत किंवा रु.500 एव्हढया अल्पदरात कोरोना चाचणी करावी अशी आपली मागणी असून याबाबत लवकर मुख्यमंत्री उद्धव ठाकरे यांच्याशी बोलणार असल्याचे आठवले यांनी सांगितले आहे.
रुग्णालयातील डॉक्टरप्रमाणे नर्स यांनाही कोरोना चे किट उपलब्ध करून दिले पाहिजे. पुरेश्या सुविधा नर्सेस ला ही दिल्या पाहिजेत. तसेच खाजगी डॉक्टरांनी दवाखाने बंद करू नयेत. कोरोना ला घाबरुन जर खाजगी डॉक्टर घरी बसले तर कोरोनाशी लढा कसा जिंकणार? असा सवाल आठवले यांनी केला असून खाजगी डॉक्टरांनी दवाखाने सुरू कारण्याचे आवाहन आठवले यांनी केले आहे.
रिपब्लिकन कार्यकर्ते विविध ठिकाणी मदत करीत आहेत त्यांनी रक्तदान करण्यासाठी ही पुढे आले पाहिजे असे आठवले यांनी आज केले.
