कळंबोली : 17 ऑक्टोबर रोजी सकाळी 9 ते दुपारी 2 दरम्यान केएलई कॉलेज सभागृहात, एनएसएस युनिट, WDC सेल आणि पनवेल महानगरपालिकेच्या संयुक्त विद्यमाने मोफत वैद्यकीय आरोग्य तपासणी शिबिराचे आयोजन करण्यात आले होते. यावेळी NSS रायगड जिल्हा समन्वयक डॉ.बबन जाधव (SMDL कॉलेज) कळंबोली हे अतिथी म्हणून उपस्थित होते. आरोग्य शिबिरात महाविद्यालयीन विद्यार्थी, शिक्षक व शिक्षकेतर कर्मचारी तसेच कळंबोली येथील निवासी भागातील ५५ जणांनी सक्रिय सहभाग घेतला. एनएसएस प्रोग्रामिंग अधिकारी सहाय्यक प्राध्यापक तृशांत वाडकर, सहाय्यक प्राध्यापिका मोनिका रायाल, WDC चेअरपर्सन सहाय्यक प्राध्यापिका प्रिती यमदागिनी, तथापि विद्यार्थी स्वयंसेवक निकिता फडतरे, किट्टू सिंग, हेमलता तिवारी, अजित सिंग आणि इतर सर्व एनएसएस स्वयंसेवकांनी हा कार्यक्रम यशस्वी करण्यासाठी जास्तीत जास्त मेहनत घेतली. प्राचार्य डॉ जी.डी. गिरी यांनी या एकदिवसीय आरोग्य शिबिराचे कौतुक केले.
