खाईन तर तुपाशी, नाहीतर उपाशी… मला किमान अडीच लाख मतांनी विजय अपेक्षित आहे : केंद्रीय मंत्री नारायण राणे 

रत्नागिरी : खाईन तर तुपाशी,नाहीतर उपाशी, मला किमान अडीच लाख मतांनी विजय अपेक्षित आहे असं विधान केंद्रीय मंत्री, भाजपा नेते नारायण राणे केलं आहे.. चिपळूणमधल्या पेढांबे इथे झालेल्या सभेत ते बोलत होते. त्यामुळे एकप्रकारे महायुतीचे उमेदवार नारायण राणेच असणार असे संकेत यामुळे मिळत आहेत.

रत्नागिरी-सिंधुदुर्ग लोकसभा मतदारसंघात महायुतीचा उमेदवार अद्याप जाहीर झालेला नाही, पण भाजपने मात्र प्रचारात आघाडी घेतली आहे. नारायण राणे यांनी रत्नागिरी-सिंधुदुर्ग मध्ये सभांचा धडाका लावला आहे, सोमवारी चिपळूण तालुक्यातील पेढांबे इथे सभा झाली, यावेळी खासदार विनायक राऊत यांच्यावर जोरदार शाब्दिक प्रहार केला. विनायक राऊत यांचं डिपॉझिट मला जप्त करायचं आहे. ठेकेदारांनी पैसे दिले नाहीत म्हणून खासदार विनायक राऊतने या भागात काम केलं नाही, काम न केल्यामुळे पन्नास टक्केहून अधिक निधी  शिल्लक असल्याची टीका यावेळी राणे यांनी केली. तसेच जीवनात सगळी पदे रेकॉर्ड ब्रेक करून मिळवली आहेत…त्यामुळे मला विजय अडीच लाख मतांनी अपेक्षित असल्याचं राणे यावेळी म्हणाले.