औरंगाबाद: भीमा कोरेगाव प्रकरणाचे पडसाद राज्यभरात उमटत असून कोरेगाव घटनेच्या निषेधार्थ सिद्धार्थ नगर परिसरात आज दगडफेक करण्यात आली. ठिकठिकाणी वाहनांवर दगडफेक, जाळपोळ, मारहाणीच्या घटना घडत आहे. औरंगाबाद मध्ये झालेल्या दगडफेकीत तीन पोलीस जखमी झाले. तर गोदावरी शाळा, सिद्धार्थ नगर, टीव्ही सेंटर येथे जमावकडून दोन वाहने पेटवण्यात आली. रस्त्याने जाणाऱ्या लोकांना ही मारहाण करण्याचे प्रकार घडले. दरम्यान, परिस्थिती नियंत्रणात आणण्यासाठी पोलिसांनी हवेत गोळीबार केला. यानंतर औरंगाबाद शहरात संचारबंदी लागू करण्यात आली.
शहरात बाजारपेठ शैक्षणिक संस्था बंदडॉ. बाबासाहेब आंबेडकर मराठवाडा विद्यापीठाचे मंगळवारी होणाऱ्या सर्व परीक्षा, प्रात्याक्षिक रद्द केले आहे. पोलीस आयुक्तांनी कुलसचिवांशी चर्चा करून रद्द करण्याची विनंती केली होती. यावर परीक्षा विभागाने परीक्षा रद्द करण्याचा निर्णय घेतला. यासोबतच प्रशासकीय कामकाज ही बंद करण्यात आले. शहरातील अनेक महाविद्यालये, शाळा बंद करण्यात आल्या आहेत. यासोबतच शहरातील बहुतेक बाजारपेठा बंद ठेवण्यात आल्या आहेत. एसटी’चा चक्का जाम, प्रवाशांचे हाल आमखास मैदान येथे सकाळी एक बस फोडीच्या घटनेनंतर सकाळी ७ वाजेपासून मध्यवर्ती बसस्थानकात वाहतूक थांबविण्यात आली. पोलिसांच्या मदतीने बस सेवा सुरळीत केली जात आहे,परंतु बसस्थानकात बसच्या रांगा लागल्या असून प्रवाशांचे हाल होत आहेत. सकाळपासून बसथनकात वाहतूक व्यवस्था ठप्प झाली असून यामुळे प्रवाशांचे हाल होत आहे. एसटीत आणि बसस्थानकात प्रवाशांना बसची वाट पाहत ताटकळत बसावे लागत आहे. स्थानकावरून जाणाऱ्या बहुतेक बस बंद करण्यात आल्याने प्रवाशांची गैरसोय होत आहे.
दरम्यान, भिमाकोरेगाव दंगलीचे लोण राज्यात उमटू लागले आहेत. मुंबईसह, ठाण्यात निषेधात रास्ता रोको करण्यास सुरुवात झाली आहे.
