बेस्टच्या टेबल टेनिस स्पर्धेत माहिती तंत्रज्ञान विभाग अव्वल

मुंबई : बेस्टच्या टेबल टेनिस स्पर्धेत माहिती तंत्रज्ञान विभागाने अव्वल कामगिरी केली. बेस्ट कला व क्रीडा विभाग आयोजित आंतर आगार टेबल टेनिस स्पर्धेत पुरुष एकेरी,पुरुष दुहेरी व आंतर विभाग विजेते, उपविजेतेपद पटकावले.
श्री. नितीन वालावलकर, श्री.निलेश जानवलेकर, श्री.सुनिल यादव, श्री. स्टॅनी अँथोनी यांनी बेस्टची टेनिस स्पर्धा गाजवत माहिती तंत्रज्ञान विभागाचे नाव बेस्टच्या नकाशावर पुढे आणले.
श्री नितीन वालावलकर यांनी सलग चौथ्यांदा पुरुष एकेरीत विजेतेपद त्याचप्रमाणे पदार्पणातील दोन वर्षातच श्री.निलेश जानवलेकर यांनी स्पर्धेतील तगड्या स्पर्धकांना आव्हान देत विभागीय दुहेरीचे विजेतेपद पटकावले. श्री सुनिल यादव आणि श्री अँथोनी यांच्या उत्तम कामगिरीबद्दल बेस्टच्या टेनिस संघात निवड झाली. तसेच विभागाच्या भारती धामणकर यांनी ‘अ’ गट रांगोळी स्पर्धेत व समूह गायन स्पर्धेत द्वितीय पारितोषिक मिळविले आणि सुप्रिया जगदाळे यांना गायनाचे उत्तेजनार्थ पारितोषिक मिळाले. माहिती तंत्रज्ञान विभागाच्या प्रमुख मा. चंदाराणी जगदाळे यांनी आपल्या अधिकारी – कर्मचारी वर्गाचे कौतुक करीत क्रीडा व कलेत सातत्य राखण्यासाठी शुभेच्छा दिल्या. विभागातील सर्व यशस्वी स्पर्धकांचा गौरव करण्यासाठी श्री. अरुण कंथारीया, सहा. प्रशासकीय व्यवस्थापक माहिती तंत्रज्ञान यांनी या कार्यक्रमाचे नियोजन करत बेस्ट परिवाराकडून शुभेच्छा दिल्या.